 |
| صورة ارشيفية |
محدش هيحس بالكلام ده غير الناس اللي عندها المشكلة دي بس..
مع بداية أي تغيير في الفصول وخاصةً مع دخول فصل الشتاء والربيع في أشخاص بتحس باللي هنقوله ده..
• بتحس أن مناخيرك مسدودة ومش عارف تأخد نفسك منها.
• فجأة بتلاقي حاسة الشم عندك بتختفي هي وحاسة التذوق كل اللي بتأكله مالوش لا طعم ولا ريحة.
• وجع غير طبيعي في الفك أو في الأسنان عموما.
• دايما عندك كحة وبتزيد خصوصاً بليل وبيكون معاها بلغم.
• دايما حاسس أنك تعبان ومش قادر تعمل أي حاجة حتى لو واخد كفايتك في النوم برضه تعبان.
• دايما بتاخد نفسك من فمك وده بيوصلك للالتهاب في الحلق.
• فجأة تلاقي مناخيرك لونها أحمر مع حكة شديدة وبتكبر أوي هي وخدودك.
• بتحس أن ودنك مسدودة أو زي ما يكون فيها ضغط.
• ده غير بقي الصداع اللي مش بيروح بأي نوع من أنواع المسكنات بيبقي هاين عليهم يخبطوا رأسهم في الحيطة من كتر الوجع.
• بيبقي عندك حساسية من الضوء.
أكيد طبعا عرفتوا هنتكلم عن إيه بعد الأعراض دي كلها.. هيا الجيوب الأنفية اللي أغلب الناس بيعانوا منها
هنتكلم معاكوا دلوقتي عن أسبابها وعن طرق تخفيف الوجع بتاعها وامتى لازم تروح للدكتور..
أسبابها:
• الأورام الحميدة في الأنف لأنها بتسبب انسداد الممرات الأنفية.
• انحراف الحاجز الأنفي.
• حالات طبية مثل مضاعفات التليف الكيسي، أو فيروس نقص المناعة، وغيرها من الأمراض المرتبطة بالجهاز المناعي.
• التهابات في الجهاز التنفسي مثل نزلات البرد التي تمنع تصريف المخاط.
• الحساسية مثل حمى القش أو أي نوع من الحساسية التي تسبب انسداد الجيوب الأنفية.
• الربو وجد الأطباء إن واحد من كل خمسة مصابين بالتهاب الجيوب الأنفية المزمن يعانون من الربو.
• التعرض باستمرار للملوثات مثل دخان السجائر.
• الحساسية ضد الأسبرين لأنه بيسبب مشاكل في الجهاز التنفسي.
نيجي لنقطة مهمة جداً هيحصل إيه لو أهملت علاجها....!!
• ممكن يجيلك التهاب السحايا وده التهاب الأغشية والسوال المحيطة بالدماغ والنخاع الشوكي.
• فقدان الرؤية بيحصل في حالة أن الالتهاب يتنقفل إلى محجر العين وينتج عنه قصور في الرؤية قد تصل إلى العمى.
• أضرار على الدماغ قد تصل إلى السكتات الدماغية عن طريق تكون (أم الدم) ودي عبارة عن انتفاخ في جدار الوعاء الدموي.
هنخفف الوجع إزاي..
• استنشاق البخار من وعاء فيه ماء ساخن لأن البخار بيساعد على تخفيف الألم وخروج الإفرازات المخاطية.
• وضع كمادات دافئة على الوجه وخصوصا على الأنف لتخفيف الألم.
• استخدام غسول الأنف لأنه يساعد على تنظيف الجيوب الأنفية.
• شرب الكثير من السوائل زي الماء والعصائر لأنها بتساعد على تخفيف الإفرازات المخاطية وتساعد على خروجها وتجنب شرب الكافيين.
• الراحة لأنها تساعد على تقوية مناعة الجسم.
• يجب عليك التخفيف من الأطعمة التي تحتوي على بهارات حارة لأنها تعمل على تهيج الجيوب الأنفية.
• ابعد تماما عن الأزهار والأشجار في الفترة دي لأنها بتسبب تهيج للجيوب الأنفية.
نيجي لأهم نقطة امتى لازم أروح للدكتور...
لازم تروح للدكتور فوراً لو حسيت بالحاجات دي:
• مدة التهاب الجيوب الأنفية الموسمية من أسبوع لـ 10 أيام لو محصلش تحسن للحالة أو الأعراض بدأت تخف شويا لازم تروح للدكتور.
• ارتفاع درجة الحرارة بشكل مستمر.
• صداع شديد غير محتمل.
• ازدواجية في الرؤية واحمرار العين.
• ألم وانتفاح في العين.
• لو عندك الجيوب الأنفية المزمنة.
• تصلب في الرقبة.
احكيلنا عن معاناتك مع الجيوب الأنفية...
المصدر كل يوم معلومة
ليست هناك تعليقات