 |
| وصفتنا النهاردة بيتزا صيامي |
بيتزا صيامي
😍
مين بيحب البيتزا 😉
انا بشارك معاكم بالاكلات الصيامي
مين بيحب البيتزا 😉
انا بشارك معاكم بالاكلات الصيامي
🍕🍕🍕
العجينه
كيلو دقيق عليه معلقه كبيره سكر ورشه ملح و معلقه كبيره خميره جافه وتقلبي كله وبعدين ضيفي نص كوب زيت و قلبي كويس وبعدين ميه دافيه للعجن حوالي من كوبايتين ونص او 3 الاربع كده وتعجني كويس اوي بكل طاقتك لحد ما تلم كده وتبقي حلوه
سبيها بقي غطيها لازم ترتاح علشان تخمر كده حوالي ساعه الا ربع مثلا
واعملي بقي الحشو والصلصه انا شوحت بصل مقطع ف نقطه زيت ورشيت ملح وفلفل وشيلته ف طبق علي جنب و ف نفس الطاسه شوحت الفلفل وبردو رشه ملح و فلفل و بعدين ف نفس الطاسه نقطه زيت وشوحت فصين توم كبار مع الماشروم ورشه ملح و فلفل وسبته علي جنب وف نفس الطاسه بردو حمرت توم تاني و نزلت عليه بمعلقتين كبار خل وبعد كده ضفت الصلصه و حطيت رشه ملح و فلفل و قرفه ومعلقه سكر ورشه قرفه و ريحان و زعتر
حطي البيتز بقي ف صواني وعليها الصلصه و شويه من الحشو اللي عملناه وشويه زتون ودخليها فرن سخن علي 220 و بتستوي بسرعه وبالف هنا
الكاتب استير عادل
ليست هناك تعليقات