وصفتنا النهاردة تورتة الشكولاتة الصيامي |
تورتة الشكولاتة الصيامي
مقدمة من الشيف : هناء فهمي
مدة التحضير : 15 دقيقة
مدة الطهي : 40 دقيقة حوالي
2 ونص كوب مج دقيق منخول مرتين
1 كوب سكر عادي
1 ونص كوب ماء مذاب فية الكريمر او كوب لبن جوز الهند
8 ملاعق كبيرة كريمر
2 ملعقة كبيرة نشا
2 ملعقة كبيرة دقيق درة
2 ملعقة كبيرة خل
2 كيس فانليا
1 ونص كيس بيكنج بودر كيك شيف
ربع كوب زيت
رشة ملح
3 ملعقة كبيرة كاكاو خام
ربع كيلو كريم شانتية صيامي
ربع كيلو شكولاتة خام صيامي
1 ــ ننخل الدقيق الابيض مع النشا مع دقيق الدرة مع البيكنج بودرمع الكاكاو مع رشة الملح وينخل مرتين ويترك لحين الاستعمال
2 ــ نضرب الماء والسكر والكريمر والفانليا والخل والزيت مع بعض في الخلاط ضرب جيدااا
3 ــ ثم يوضع الخليط في بولة ثم يوضع علية خليط الدقيق شوية بشوية
حتي تتكون عجينة الكيك
4 ــ ثم توضع في صينية مقاس 26 او 24 بس تكون عالية مدهونة زيت ومرشوشة كاكاو او دقيق
وتدخل فرن سخن مسبقا علي درجة 180 حتي يتم النضج
5 ــ ممنوع نفتح الفرن غير بعد 30 دقيقة ونعمل اختبار علشان نعرف الكيك استوي ولا لسة بوضع خلة في الكيك لو طلع عجينة تبقي لسة
6 ــ نكون مجهزين الكريم شانتية
نضرب ربع الكيلو او اكتر شوية بوضع 5 ملعقة كريمر علي الكريم شانتية وكوب ماء ويضرب جيدااااا لازم الكريمة تبقي تقيلة ومنوع يوضع الماء مرة واحدة لانة ممكن يكون كتير او قليل نحتاج
وتوضع في الثلاجة لحين الاستعمال
7 ــ بعد تسوية الكيك تترك تبرد تماما وتقسم الي 2 او ثلاث ديسكات
ثم تسقي بالشربات
بوضع 2 ملعقة كاكاو خام نص كوب ماء وشوية سكر علي حسب الرغبة
وتسقي بها الكيك ثم توضع الكريم شانتية وتجمل علي حسب الرغبة وعلي الوش والجوانب يوضع شبكولاتة خام مبشورة
8 ــ ملحوظة
## ممكن نعمل صوص شكولاتة خام ونجمل بيها
بوضع مكعب من الشيكولاتة وملعقة زيت وربع كوب ماء وعليهم 2 ملعقة كريمر وعلي نار هادية ونقلب لغاية مايتكون الصوص
## لو استعملتي كاكاو خام يوضع السكر البودرة علي حسب الرغبة وانتي بتجملي
## ممنوع فتح الفرن اثناء الخبيز
## يكون الفرن سخن قبل الخبيز ب 10 دقائق
تحياتي الشيف هناء فهمي
ليست هناك تعليقات